Полициската станица „Беко“ ги остави скопјани без парно поради неплатен долг
Ова не е грешка. Ова е негрижа и врвен доказ за тоа како државните институции, под водство на актуелната власт, ги третираат своите граѓани. Додека надвор владеат ниски температури, блок број 7 во комплексот Градски ѕид е целосно исклучени од градското парно греење. Причината? Полициската станица „Беко“ – институција која треба да штити, а не да загрозува – не си ги платила сметките за парно подолг временски период! – пишува порталот Револуционер
Револтот на граѓаните е огромен и целосно оправдан, за што сведочат и пораките од нивната комуникација:
„Почитувани соседи, Во влез 4 или 5, влезот што е до полициска станица Беко, добиле информација…“
„…дека полициска станица Беко ги нема подмирено сметките за парно веќе подолг временски период и поради тоа го исклучиле цел блок.“
Министре за внатрешни работи, Панче Тошковски, дали ова е сликата на ефикасно и одговорно МВР? Вашата институција е олицетворение на државниот ред, а истовремено е хроничен неплаќач и извор на хаос за недолжни граѓани.
Како е можно да немате финансиска дисциплина да подмирите основни обврски, додека истовремено им наплаќате казни на граѓаните за секој најмал прекршок? Додека вашите полицајци и вработени се греат во станицата (која, очигледно, е на сметка на долговите), цели семејства – со деца, стари лица и болни – се смрзнуваат поради вашата неспособност.
Ова не е само долг кон топланата, ова е морален долг кон граѓаните кои ви плаќаат плати за да работите одговорно. Овој инцидент е директен показател за несовесно работење во вашиот ресор.
Претседателе на Владата, Христијан Мицкоски, целата извршна власт е под ваша директна одговорност. Вие и вашиот кабинет сте одговорни за финансискиот надзор на секое министерство. Со каква леснотија дозволувате витална државна институција како МВР да создаде долг кој директно ги загрозува животите и здравјето на скопјани?
Бараме итна реакција!
Бараме Министерството за внатрешни работи веднаш, без одлагање, да го подмири целиот долг и да обезбеди моментално вклучување на парното греење во блок 7 на Градски ѕид.
Граѓаните на Градски ѕид не се виновни за вашата неспособност! Министре Тошковски и премиере Мицкоски, покажете дека знаете што значи одговорност и ставете ги потребите на граѓаните пред вашите бирократски пропусти!
ПОВРЗАНИ ВЕСТИ
Силен земјотрес го погоди југоистокот на Турција
Земјотрес со јачина од 5,4 степени е…
ОАЕ воведе санкции за најголемата државна банка…
Централната банка на Обединетите Арапски Емирати (ОАЕ)…
ВЛЕН: Партнерството со САД и проширувањето на…
Од Вашингтон до Њујорк, првиот вицепремиер и…
ПО ТРИНЕДЕЛНА БОРБА ПОЧИНА 13-ГОДИШНИОТ ИЗБОДЕН ВО…
Три недели лекарите се бореa за животот…
Руте ги прозва Европејците: Чекате Америка да…
„Зошто сите повторно се свртуваат кон САД…
