Пронајдени седум мигранти од Египет и Ирак, уапсени се двајца криумчари од Неготино

Пронајдени се седум лица мигранти и лишени од слобода се двајца криумчари.

Како што информираат од МВР, вчера (09.10.2025) полициски службеници од Полициската станица за граничен надзор Михајлово ги лишиле од слобода Б.М.(25) и В.Ч.(27), двајцата од Неготино.

На 08.10.2025 околу 18:20 часот на автопатот Демир Капија-Неготино, на место викано „Острово“, полициски службеници извршиле контрола во патничко возило „шкода“ со скопски регистарски ознаки, при што затекнале седум лица мигранти (шест од Египет, меѓу кои пет малолетници и едно од Ирак). По преземени мерки констатирано е дека В.Ч. со патничко возило „опел астра“ со неготински регистарски ознаки бил претходница и го известувал Б.М. за поставеноста на полициски патроли на патот.

Известен е јавен обвинител, а лицата се задржани во полициска станица. По целосно документирање на случајот, против нив ќе биде поднесена соодветна пријава, информираат од МВР.

Share on Facebook

Tweet

Follow us

Save