И Сенатот изгласа објавување на досиејата на Епштајн

Американскиот Сенат едногласно го усвои законот, кој претходно го поддржа Конгресот, со кој му се налага на Министерството за правда да ги објави сите истражни досиеја за починатиот сексуален предатор Џефри Епштајн.

За наредбата да стапи во сила треба да биде потпишана од американскиот претседател Доналд Трамп, кој претходно најави дека ќе го направи тоа.

Претходно, во Конгресот со 427 гласа „за“ и еден „против“ од републиканецот Клеј Хигинс од Лујзијана беше изгласано за објавување на досиејата на Епштајн.

Демократи во Претставничкиот дом минатата недела објавија над 20.000 документи од архивата на Епштајн, кој во 2019 година во притвор изврши самоубиство, откако беше уапсен за сексуални злосторства. Додека неговата поранешна девојка Гилејн Максвел отслужува 20-годишна казна за сексуална трговија со деца.

Ако законот биде потпишан од Трамп тогаш во рок од 30 дена федералните обвинители треба да ги објават сите недоверливи документи и записи, како и комуникациите и истражните материјали што ги имаат Министерството за правда, ФБИ и канцеларијата на државниот обвинител.

Исто така ќе треба да се објават имињата на поединци и субјекти споменати во кој било случај поврзан со Епштајн, како и внатрешните комуникации на Министерството за правда поврзани со случајот.

Но, сè уште не е познато колку и кои документи ги поседува Министерството за правда, бидејќи Епштајн и Максвел беа предмет на неколку федерални истраги

Американскиот Конгрес усвои објавување на истражните досиеја на Џефри Епштајн

Share on Facebook

Tweet

Follow us

Save