Мицотакис одговори на заканите од Москва: Не сме обврзани да бараме дозвола од Москва

Грција ги води своите меѓународни односи во согласност со меѓународното право и со почитување на државите, изјави премиерот Киријакос Мицотакис како одговор на заканите на Москва во врска со потпишаниот договор меѓу Атина и Киев за заедничко производство на поморски беспилотни летала.

Портпаролот на владата Маринакис даде уште поостра изјава: „Не сме обврзани да бараме дозвола од Москва, Грција е независна земја.“

Портпаролката на руското Министерство за надворешни работи, Марија Захарова, изјави дека Атина е меѓу првите земји што му дале воена помош на Киев.

Според руската страна, испратеното оружје го користи украинската армија во областите каде што живеат етнички Грци.

На средбата меѓу Зеленски и Мицотакис, грчкиот премиер нагласи загриженост за безбедноста на етничките Грци, кои живеат главно во регионот Одеса.

Европската комисија изрази целосна солидарност со Грција. Во разговор за грчките медиуми, портпаролката на комисијата, Анита Харпер, изјави: „Не е изненадувачки што Русија посегнува по закани“.

Share on Facebook

Tweet

Follow us

Save