Хаварија во Украина: Нуклеарната електрана Запорожје остана без напојување, од Чернобил се шири радијација

Премиерката на Украина, Јулија Свириденко соопшти дека во ноќниот руски напад биле оштетени енергетски објекти во Запорожје, а десет населби останале без струја.

Таа на Телеграм истакна дека одржала итен состанок со министерот за внатрешни работи, вршителот на должноста министер за енергетика и раководствата на државните енергетски компании за обнова по нападите.

Итните служби работат на воспоставување привремено напојување, а активирани се генератори за обезбедување на водоснабдувањето.

Нуклеарната електрана Запорожје повторно доби надворешно напојување по неколкучасовен прекин, откако автоматските системи за заштита исклучиле двата далековода, а резервните дизел генератори одржувале основни операции. Причината за прекинот се уште се истражува.

Свириденко предупреди дека поради обновата ќе има повеќе планирани и вонредни прекини на струја низ целата земја.

Зеленски: Цел на нападите беа енергетските објекти

Претседателот Зеленски изјави дека главни цели на рускиот напад биле енергетските објекти. Масовни удари со дронови и ракети биле извршени во повеќе региони, вклучувајќи Киев, Дњепропетровск, Чернихив, Запорожје, Одеса, Лавов, Волин и Николаев. Во нападите е погодена и зградата на главната железничка станица во Фастив.

Тој истакна дека нападот бил бесмислен од воена гледна точка, а Русите требало тоа да го сфатат. Во нападите биле користени повеќе од 650 дронови и 51 ракета, вклучувајќи аеробалистички и балистички, со број на повредени. Зеленски побара дополнителна меѓународна поддршка и ефективни санкции.

МААЕ: Заштитниот саркофаг во Чернобил е оштетен од дрон, не ги исполнува безбедносните функции

Share on Facebook

Tweet

Follow us

Save