„Или тие, или ние“ – Студентски протест во Нови Пазар

Во Нови Пазар денеска се одржува голем студентски протест под слоганот „Или тие или ние“, како одговор на одлуката што резултираше со губење на студентскиот статус на повеќе од 200 студенти на Државниот универзитет во Нови Пазар, додека околу 30 професори останаа без работа, објави Нова.рс.

Студентите велат дека ова е еден од најкритичните моменти во нивната повеќемесечна борба против, како што велат, неправдата, репресијата и институционалните притисоци.

Се очекуваат собири во текот на целиот ден, пристигнување на студенти од неколку универзитетски центри во Србија, како и централна програма попладне.

Дијана Хрка, мајката на младиот човек кој загина при уривањето на настрешница на железничката станица во Нови Сад, денес за агенцијата ФоНет изјави дека дошла на протестот во Нови Пазар за да ги поддржи студентите на Државниот универзитет.

Студентите објавија на Инстаграм дека собирот ќе се одржи во 11 часот пред зградата на Државниот универзитет во Нови Пазар (ДУНП), а во 11:52 часот ќе се одржи комеморација за загинатите при уривањето на настрешница во Нови Сад минатата година.

Главната програма е планирана за 17 часот, кога студентите во блокада ќе се обратат на публиката.

Share on Facebook

Tweet

Follow us

Save