Вучиќ се пожали на односите со САД и ЕУ: „Никој не беше со нас кога беше тешко“

Зборувајќи на редовната годишна конференција за претставници на дипломатската и конзуларната мрежа, Вучиќ рече дека Србија не можела да го почувствува очекуваниот напредок во односите со САД Српскиот претседател Александар Вучиќ изјави дека Србија останува на европскиот пат, но оцени дека всушност нема поддршка од ниту една голема сила. Вучиќ нагласи дека Белград очекувал голем напредок во односите од новата американска администрација, но дека ниту тоа не се случило.

Зборувајќи на редовната годишна конференција за претставници на дипломатската и конзуларната мрежа, Вучиќ рече дека Србија не можела да го почувствува очекуваниот напредок во односите со САД – ниту кога станува збор за царините, ниту за санкциите врз Нафтената индустрија на Србија (НИС), компанија во мнозинска сопственост на Русија.

„Кога ни беше тешко, не ја добивме таа поддршка од другите големи сили, ниту на Истокот, ниту во Европската Унија. Секој од нив можеше да каже – ние сме тука со вас, ние сме тука за вас. Никој не го направи тоа, секој имаше свои дополнителни причини за притисок, очекувајќи уште повеќе од Србија, барајќи многу, но не давајќи ништо“, се пожали Вучиќ.

Share on Facebook

Tweet

Follow us

Save