Магла на планинските премини Стража, Плетвар и Крушево, сообраќајот се одвива по влажни коловози

Намалена видливост поради густа магла е забележана на планинските премини Стража и Плетвар, каде видливоста е до 50 метри, како и во Крушево, каде изнесува околу 70 метри, информираат од ЈП „Македонија пат“.

Сообраќајот на државните патишта се одвива непречено, но по влажни коловози. На одредени патни правци кои минуваат низ засеци и клисури можно е појава на поситни одрони.

ЈП „Македонија пат“ апелира до возачите да управуваат внимателно, да ја почитуваат поставената сообраќајна сигнализација и да ја прилагодат брзината на условите на патот.

Дежурните екипи на претпријатието се постојано на терен и ги одржуваат сите патни правци проодни. За подетални информации, учесниците во сообраќајот можат да се јават на дежурниот телефон 02 25 61 502.

Share on Facebook

Tweet

Follow us

Save