Кошта: ЕУ разгледува одговор за новите царините на Трамп

Претседателот на Европскиот совет, Антонио Кошта, истакна дека Европската Унија е „многу цврста во одбраната на меѓународното право“ откако беше соочен со нови закани од американскиот претседател Доналд Трамп за воведување царини. Тој додаде дека Унијата ги усогласува своите реакции по ова прашање.

„Она што можеме да го кажеме е дека Европската унија секогаш ќе биде цврста во одбраната на меѓународното право, каде и да е, што секако започнува на територијата на земјите-членки на ЕУ“, рече Кошта на прес-конференција по склучувањето на договорот за слободна трговија меѓу ЕУ и Меркосур. Ова се случува непосредно откако Трамп се закани со воведување царини за европски сојузници кои се спротивставија на неговата намера да го припои Гренланд.

„Моментално координирам заеднички одговор од земјите-членки на Европската унија за тоа прашање“, изјави Кошта.

Share on Facebook

Tweet

Follow us

Save