Македонија вечерва против Романија за пласман во главната фаза

Македонската ракометна репрезентација вечерва од 18 часот во Хернинг ќе го игра последниот натпревар од групата Б на Европското првенство против Романија.

По поразот од Данска и ремито со Португалија, „црвено-жолтите“ сè уште имаат шанса за пласман во главната фаза, но за тоа им е потребна победа, а потоа ќе се чека исходот од дуелот Данска–Португалија.

Селекторот Кирил Лазаров го потврди составот за вечерашниот дуел, во кој ново име е левото крило Гоце Ојлески. Во тимот се и Иван Џонов, кој се повреди на мечот со Португалија, и Никола Маркоски, кој претходно доби црвен картон.

Share on Facebook

Tweet

Follow us

Save