Крвава тепачка меѓу навивачите на Хајдук и Црвена Звезда во Тузла: Десетици повредени и над 90 уапсени

Десетици фудбалски навивачи белградска Црвена Звезда и сплитски Хајдук биле вклучени во масовна тепачка што се случи синоќа во близина на меѓународниот аеродром во Тузла, при што се повредени 23 лица, вклучувајќи и еден полицаец, пренесува српски Телеграф.

Според полицискиот извештај, до судирот дошло кратко по 21 часот. Локалната полиција реагирала брзо, а на местото на настанот биле испратени неколку патроли и специјални екипи.

Полицијата уапсила 93 лица, кои биле идентификувани како членови на навивачките групи на Црвена Звезда (Делии) и Хајдук (Торцида). Полицијата наведе дека ниту едно од нив не е од областа на Тузланскиот округ.

Според извештаите на медиумите, навивачите на Црвена Звезда се враќале од Шведска, каде што нивниот тим играше натпревар против Малме во Лига на Европа. По слетувањето на аеродромот во Тузла, биле нападнати од членови на групата „Торцида“, кои наводно организирале пресметка, во која биле оштетени и неколку возила.

Share on Facebook

Tweet

Follow us

Save