Клинтонови бараат јавно сведочење за Епстин

Поранешниот американски претседател Бил Клинтон и неговата сопруга Хилари побараа нивното сведочење пред Конгресот за нивните врски со осудениот сексуален престапник Џефри Епстин да биде јавно објавено, пишува „Гардијан“.

Со ова, како што велат, сакаат да ги спречат републиканците да го политизираат целиот случај. Клинтон се повикани да сведочат зад затворени врати пред Комитетот за надзор на Претставничкиот дом, кој ги истражува врските на покојниот финансиер со моќни поединци.

Демократите тврдат дека истрагата се користи како оружје за напад врз политичките противници на Доналд Трамп, наместо да служи како легитимен надзор. Тие истакнуваат дека самиот Трамп бил долгогодишен соработник на Епстеи, но не бил поканет да сведочи.

Републиканците во Претставничкиот дом претходно се заканија дека ќе гласаат за непочитување на судот ако демократската двојка не сведочи, што оттогаш се согласија да го сторат.

Share on Facebook

Tweet

Follow us

Save