Хорор во Будва – Русин ја тепал сопругата и ѝ се заканувал со нож: Несреќната жена скокнала од прозорец

По наредба на Основното државно обвинителство (ОДТ) Котор, полицијата во Будва во Црна Гора го уапси рускиот државјанин З.Д. (34), кој е обвинет за кривично дело семејно насилство.

Како што неофицијално дознава „Вијести“ од полицијата, тој бил пријавен од неговата сопруга З. Ј. (34) дека додека се враќале од Жабљак завчера, физички ја нападнал.

„Истиот ден навечер додека биле во станот во Будва, по кратка вербална расправија, тој повторно физички ја нападнал сопругата, заканувајќи ѝ се со нож, при што таа избегала во тоалетот и, од страв, скокнала низ прозорецот од вториот кат од зградата каде што живеат, при што се здобила со тешки повреди“, изјавиле од полицијата за „Вијести“.

Будванската полиција ја пронашла руската државјанка и зела изјава, информирајќи го обвинителството во Котор за сè, во кое се наведува дека дејствијата на З.Д. претставуваат елементи на кривично дело „насилство во семејството или во семејната заедница“.

Рускиот државјанин ќе биде донесен во Основното државно обвинителство.

Share on Facebook

Tweet

Follow us

Save