Родителите од Кочани незадоволни од отстранувањето на обвинителката Трајчева и бараат да биде вратена на случајот „Пулс“

На денешниот 39. „Марш на ангелите“ во Кочани, семејствата на загинатите го искажаа своето незадоволство откако вчера Советот на јавни обвинители не ѝ го продолжи мандатот на обвинителката во Обвинителството за гонење на организиран криминал и корупција, Ивана Алексова Трајчева, која ги водеше трите предмети против против полицајците обвинети за пожарот во дискотеката „Пулс“, и побараа нејзино враќање на случајот.

-Обвинителката Трајчева веќе работеше на случајот подолг период и е запознаена со сите негови аспекти. Во интерес на правдата, континуитетот и ефикасноста, сметаме дека нејзиното отстранување од предметот не е во корист на постапката. Советот на јавни обвинители се повикување на „правична застапеност“ за одредени членови на кои им го продолжува мандатот , додека на обвинителката Трајчева ѝ се ускратува да продолжи со предметот кој сама го водеше, ова отвора сериозно прашање: дали формата се става пред суштината — правдата? Затоа, јасно и гласно бараме: обвинителката да биде вратена на случајот. Ова не е прашање на поединец. Ова е прашање на систем и одговорност. 63 изгубени животи не смеат да станат предмет на административни одлуки без последици, рече Александар Наунов, претседател на Здружението на граѓани „16 Март 2025 г. Кочани“.

Share on Facebook

Tweet

Follow us

Save