Тензии на расправата за еднакви права, Даути се пожали на психичко насилство

Наместо конструктивна расправа, претпладнето во Собранието помина во тензична атмосфера, со повишени тонови и меѓусебни обвинувања. Јавната дебата за еднаквоста меѓу мажите и жените беше прекината откако пратеничката Илире Даути реагираше поради, како што наведе, непочитување на Законот за јазиците.

Таа од говорницата побара прекин на седницата, истакнувајќи дека материјалите не ѝ биле доставени на албански јазик. Во своето обраќање нагласи дека наместо дискусија за заштита од насилство, се соочила со притисок и дискриминација.

„Како да се зборува денеска за насилство кога самата бев жртва на психичко насилство“, истакна Даути, обвинувајќи дека нејзините права како пратеник се прекршени.

Нејзината реакција предизвика остри реплики во салата. Заменик-претседателката на Комисијата, Весна Ѓорѓиева, повика дебатата да не се претвора во политичко надмудрување и да се задржи фокусот на темата.

По кратка, но интензивна расправа, седницата беше прекината и беше прогласена пауза со цел смирување на ситуацијата и продолжување во поконструктивна атмосфера.

Share on Facebook

Tweet

Follow us

Save