Падна златото, грам чини 130 евра

Златото, кое до неодамна рушеше рекорди, денес се соочува со силен притисок и нестабилност. Според најновите податоци, благородниот метал се тргува за околу 4,050 до 4,100 евра за унца или 130 евра за грам, што претставува значителен пад од неодамнешните врвови.

Инвеститорите се затекнати, по драматичниот раст, следуваше корекција што избриша дел од добивките за само неколку дена. Велат дека зад оваа турбуленција стои комбинација од повеќе фактори како зајакнат долар, раст на каматните стапки и неизвесност на глобалните пазари.

Аналитичарите посочуваат дека интересот за злато останува висок, особено поради геополитичките ризици и политиките на централните банки. Во последниот период, златото бележи и долгорочен раст, што дополнително го зацврстува неговиот статус како заштита од економски шокови.

Share on Facebook

Tweet

Follow us

Save