Зеленски се закани со санкции за Израел

Украинскиот претседател Володимир Зеленски му се закани на Израел со санкции за прифаќање на брод што превезува украинско жито кое беше претставено како руско.

„Купувањето украдена стока е кривично дело, вклучително и жито украдено од Русија. Ова не е и не може да биде легитимен бизнис. Израел не може да тврди дека не знае што влегува во неговите пристаништа“, рече Зеленски.

Тој потсети дека биле преземени сите дипломатски мерки, но и покрај ова, бродот не бил запрен. Ова е рускиот товарен брод Абинск (IMO број: 9303869). Кон средината на април, Абинск се закотви во израелското пристаниште Хаифа со над 43.000 тони пченица, која беше натоварена од пристаништата на териториите на Украина окупирани од Русија. „Ќе воведеме санкции за оние што транспортираат и профитираат од ова. Очекуваме почит – и никакви дејствија што ги поткопуваат нашите односи“, рече Зеленски.

Share on Facebook

Tweet

Follow us

Save