Спасовски до Трипуновски: Дали 1.500 вработени во земјоделство ги оставивте без здравствено осигурување?

Пратеникот на СДСМ, Оливер Спасовски на денешната седница посветена на пратенички прашања упати прашање до министерот за земјоделство, Цветан Трипуновски, а се однесуваше на наводите за прекин на здравственото осигурување на вработените во Министерството за земјоделие, шумарство и водостопанство. Според информациите, станува збор за ситуација во која поголем број вработени останале без покриено здравствено осигурување во изминатиот период.

Имам информација и барам таа информација да ја потврдите или да ја демантирате дека од 23-ти овој месец до денеска нема здравствено осигурување за ниту еден вработен во Министерството за земјоделие, шумарство и водостопанство.
Според достапните податоци, 1.100 вработени во Министерството, дополнително додадени инспекторати, околу 1.500 луѓе вкупно, од 23-ти до денеска немаат здравствено осигурување.

Луѓе коишто имале потреба од лекување на деца, луѓе коишто требале да заминат на операции и така натаму.
Дали е вистина дека нема здравствено осигурување? Ако е вистина, ве молам, која е причината поради којашто ги оставивте луѓето од 23-ти до денеска да немаат здравствено осигурување?

Share on Facebook

Tweet

Follow us

Save