ОЈО за убиството во Битола: Извршен е увид, подигнати се траги и материјални докази

Дежурен јавен обвинител од Основното јавно обвинителство Битола изврши увид на лице место во населбата Баир каде една жена беше лишена од живот, велат од Обвинителството.

„Издадена е наредба за обдукција за починатата, а од лице место се подигнати траги и материјални докази кои ќе бидат предмет на вештачење. Осомничениот за извршување на кривичното дело е лишен од слобода, а за натамошниот тек на постапката против него обвинителството ќе ја информира јавноста“, стои во соопштението на ОЈО.

Претходно, полицијата информираше дека е лишен од слобода А.Р.(33) од Битола, кој се сомничи дека утрово околу 06:40 часот со нож ја нападнал неговата сопруга А.В.(31) од Битола, со која не живееле заедно, а која од здобиените повреди починала на местото.

Share on Facebook

Tweet

Follow us

Save