Граѓански организации алармираат за зголемувањето на фемицидите! Се бара институционална одговорност по убиството во Битола

Граѓанските организации во Македонија остро реагираа по убиството на 31-годишна жена во Битолско, опишувајќи го случајот како уште еден фемицид и сериозен аларм за безбедноста на жените во земјата.

Во нивниот одговор, потпишан од Националната мрежа против насилство врз жените и семејно насилство, Платформата за родова еднаквост и Мрежата за заштита од дискриминација, се нагласува дека зголемувањето на случаите на насилство укажува на институционален неуспех во превенцијата и заштитата.

Според нив, случајот во Битолско треба да се истражи целосно и транспарентно, вклучително и проверка дали имало претходни пријави за насилство. Организациите бараат одговорност од секоја институција или службено лице кое не постапило согласно законот, како и итно зајакнување на механизмите за заштита на жртвите.

Одговорот, исто така, ја истакнува потребата од инвестиции во специјализирани услуги, градење капацитети во полицијата и социјалните центри и превентивни програми во образованието. Според нив, насилството станува „социјална епидемија“ што бара итна државна интервенција.

Share on Facebook

Tweet

Follow us

Save