КБС ќе добијат ново оружје во вредност од 14 милиони долари од САД

Косовските безбедносни сили наскоро треба да добијат ново американско оружје во вредност од 14 милиони долари. Стејт департментот веќе го известил Конгресот за дозволата за извоз на одбранбени производи, технички податоци и одбранбени услуги во Косово, објави TV 1.

Порталот побарал од Министерството за одбрана на Косово повеќе информации за новото оружје, но не добил одговор. Поранешниот командант на КБС, Кадри Кастрати, ја пофалил таквата иницијатива од, како што рече, главниот сојузник на Косово.

„Соединетите Американски Држави гледаат дека нашите вооружени сили стигнале толку далеку во процесот на професионализација што дури успеавме да станеме извозници на безбедност, како член на Комитетот за мир, бидејќи членовите на КБС веќе се подготвуваат да одат во Газа“, изјави Кастрати за TV 1. Според него, таквата иницијатива од САД испраќа сигнали за регионот.

„Не можеме да ги толерираме постојаните закани на Србија за Косово и регионалната стабилност, но регион со армии толку силни како КБС сигурно испраќа сигнали дека сме за стабилност на Западен Балкан“, додаде Кастрати. Пензионираниот полковник Хисен Гецај верува дека Косово „останува приоритет за САД“. „Ова е посилна порака отколку во минатото, иако немало недостаток од такви пораки. Сепак, оваа е посилна и појасна порака, подиректна“, рече Гецај.

Share on Facebook

Tweet

Follow us

Save