Шалтерот за издавање на одобрение за патување во странство на малолетници ќе работи до 18 часот, а услугата ќе се издава и во сабота

Поради зголемен обем на работа, шалтерите за издавање на одобрение за патување во странство на малолетници ќе имаат зголемено работно време, а ќе работат и во сабота, соопшти полицијата.

„Министертвото за внатрешни работи ги известува граѓаните особено родителите дека како и минатата година, така и оваа 2026 година поради зголемениот обем на барања кои се очекуваат во наредниот период, шалтерот во Одделението за управни работи – Скопје (во зградата на МРТВ) за издавање на „Одобрение за патување во странство за малолетни лица“ (деца до 14 години), во наредниот период од понеделник до петок ќе работи од 08:00 до 18:00 часот, а услугата ќе биде овозможена и во сабота со работно време од 08:00 до 12:00 часот, со цел да одговориме на сите барања на граѓаните“, велат од МВР.

Share on Facebook

Tweet

Follow us

Save