Филипче не го осуди скандалот на Бугарија со дипломатската нота на семејството на премиерот Мицкоски

Филипче не го осуди скандалот на Бугарија со дипломатската нота на семејството на премиерот Мицкоски
SDSS ORG SMK

Владејачката ВМРО-ДПМНЕ преку соопштение го обвини лидерот на СДСМ, Венко Филипче, дека не реагирал на, како што велат, дипломатскиот скандал предизвикан од објавувањето на дипломатска нота од страна на бугарските власти, во која, според партијата, биле содржани чувствителни информации поврзани со безбедноста на премиерот Христијан Мицкоски и неговото семејство.

Од ВМРО-ДПМНЕ тврдат дека во документот, кој бил објавен на социјалните мрежи, се содржани информации за службените возила, имињата на патниците, местото каде што било сместено семејството на премиерот, како и радиофреквенцијата што ја користело обезбедувањето.

Според партијата, станува збор за дипломатски преседан што, како што наведуваат, директно ја нарушил безбедноста на државниот врв. Воедно, посочуваат дека од официјална Софија сè уште нема извинување за случајот.

Во соопштението, ВМРО-ДПМНЕ оценува дека молкот на Филипче и СДСМ отвора прашања за нивниот однос кон, како што наведуваат, постапките на бугарските власти и нивните политички приоритети.

Од владејачката партија додаваат дека, и покрај, како што велат, надворешните притисоци, Македонија ќе продолжи по патот на евроинтеграциите.

Share on Facebook

Tweet

Follow us

Save