Прилепски разбојник нападнал вработена во колонијал со електричен парализатор, ја ограбил и избегал

Непознат напаѓач ја нападнал вработената во колонијална продавница со помош на електричен парализатор, по што избегал со пленот – соопшти полицијата.

Полицијата трага по сторителот на разбојништво што вчера се случило во колонијална продавница во Прилеп, при што била нападната вработена.

Според информациите од Министерството за внатрешни работи, случајот бил пријавен вчера околу 13 часот во ОВР Прилеп. Непознато лице влегло во продавницата и употребило електричен парализатор врз вработената, по што од објектот одзело пари и различни производи.

По разбојништвото, сторителот избегал, а полицијата презема мерки за негово пронаоѓање и целосно расчистување на случајот.

Share on Facebook

Tweet

Follow us

Save