Град Скопје почна да ја поправа подната фонтана на Плоштадот Македонија

Град Скопје почна да ја поправа подната фонтана на Плоштадот Македонија која со години не работи. Во моментов се изведуваат градежните активности, а како што најави градоначалникот Орце Ѓорѓиевски, ќе биде завршена за неколку дена.

„Ова повеќе нема да биде простор по кој ќе минуваат автомобили и тешки товарни возила. Ова нема да биде запуштено место оставено на забот на времето туку место за прошетка и фотографија“, напиша на својот фејсбук профил градоначалникот Ѓорѓиевски.

Подната фонтана на Плоштадот беше направена во времето на градоначалникот Коце Трајановски како дел од проектот „Скопје 2014“ и чинише 2,5 милиони евра.

Во фонтаната неколку пати пропаѓаа камиони. Во мандатот на Данела Арсовска, за да се спречи движење оти е небезбедна, над неа беа ставени жардиниери.

Share on Facebook

Tweet

Follow us

Save