Седум српски камионџии се повредени во експлозија на плинска боца во Австрија

Седум возачи на камиони од Србија биле повредени откако плинска боца експлодирала додека подготвувале оброк на подрачјето на аеродромот „Хершинг“ во Австрија, пренесува „Нова“.

Несреќата се случила околу 15:20 часот во саботата, кога возачите готвеле оброк во приколка. Од засега неутврдени причини, боцата ненадејно експлодирала.

Еден од очевидците бил 53-годишен државјанин на Србија, кој веднаш по експлозијата им притрчал на помош на повредените колеги. Според медиумите, токму тој ја започнал акцијата за спасување и укажувал прва помош до доаѓањето на итните служби.

Најтешко се повредени 41-годишен возач и неговиот 54-годишен колега, кои се здобиле со тешки повреди. И двајцата биле пренесени со хеликоптер во Општата болница во Виена.

Останатите пет повредени мажи се згрижени во болниците во Линц и во Велс.

Полицијата започнала истрага за да се утврди точната причина за експлозијата.

Share on Facebook

Tweet

Follow us

Save