Хеликоптери спасиле 36 луѓе, без опрема и со деца во колички планинареле во Австрија

Австриската планинска спасувачка служба успешно спроведе сложена спасувачка операција со хеликоптери за спасување на 36 лошо опремени планинари од три семејства, меѓу кои и мали деца во колички, објави полицијата во Тирол денеска, објави „Кроне“.

Групата се нашла во тешкотии на надморска височина од над 2300 метри како дел од спонтано планинарење. Тие започнале од планинската точка Вилдшпицбан во близина на Зелден.

Групата која се состоела од возрасни, тинејџери и од неколку мали деца практично немала соодветна опрема, изјави портпаролот на полицијата, додавајќи дека сметката за спасувачката операција ќе им биде испратена на семејствата.

Членовите на групата биле државјани на Белгија, Обединетото Кралство, САД и на Австрија.

Семејствата се нашле на тежок и опасен терен неколку пати и повремено отстапувале од обележаната патека. На крајот, двајца членови на групата упатиле итен повик за помош.

Два хеликоптери спасиле 14 луѓе, од кои четворица со помош на витло. Планинските спасувачи спуштиле уште 22-ца во долината пеш. Никој не бил  повреден.

Share on Facebook

Tweet

Follow us

Save