Волково е заштитетно, изгаснат пожарот во близина на Лепенец

Со брза координација на единиците на Територијалната противпожарна заштита – Скопје, пожарот на локацијата во близина на реката Лепенец во текот на вечерта и денешниот ден е целосно изгаснат, информираше градоначалникот на Ѓорче Петров Александар Стојкоски кој денеска излезе на терен.

Тој упати голема благодарност до пожарникарите за професионалната и навремена реакција, како и до приватната компанија „Ленди Груп“ за несебичната поддршка со механизација на терен.

– Во моментов се врши потрпување со земја, а дополнително се блокираат пристапите од правец на Лепенец, Ново Село и кај Коњичкиот клуб во Волково. Во функција останува само еден контролиран пат, со цел непречено и безбедно движење на жителите и потребната механизација. Апелирам до сите граѓани да бидат внимателни, одговорни и да не се движат кон локацијата без потреба, порача Стојкоски.

Share on Facebook

Tweet

Follow us

Save