МВР со детали за несреќата која вчера го закочи автопатот Тетово-Скопје: Дете во најтешка состојба од петмината повредени

Вкупно пет луѓе се повредени, а меѓу нив најтешки повреди има едно дете, во вчерашната тешка сообраќајна несреќа на автопатот Тетово-Скопје кај наплатната станица во Глумово, соопшти полицијата.

Несреќата предизвика голем застој на автопатот и километарски колони.

„На 14.07.2026 во 19:30 часот во СВР Скопје е пријавено дека на автопатот Тетово- Скопје, во близина на наплатна рампа Глумово, се случила сообраќајна несреќа помеѓу возило „фолксваген кеди“ со скопски регистарски ознаки, управувано од А.И.(33) од Скопје и возило „фолксваген голф“ со охридски регистарски ознаки, управувано од 39-годишната Л.А. од с.Патишка Река, скопско. Во несреќата со тешки телесни повреди се здобил малолетен сопатник од возилото „фолксваген голф“, а со телесни повреди се здобиле двајцата возачи, сопатникот М.А.(24) и уште една малолетна сопатничка од возилото „фолксваген голф“, констатирани во Комплексот клиники „Мајка Тереза“ и Градската општа болница „8 Септември“. Извршен бил увид од екипа од СВР Скопје“, пишува во полициското соопштение.

Share on Facebook

Tweet

Follow us

Save