Два активни и 20 изгаснати пожари во последните 24 часа

Во изминатото деноноќие на територијата на државата се регистрирани 23 пожари на отворен простор, соопшти Центарот за управување со кризи.

Според пресекот до 07:30 часот на 11 август, два пожари се активни, еден е ставен под контрола, додека 20 се изгаснати.

Активни се пожарите во Општина Македонски Брод, на местото Видуш во близина на село Драгов Дол, каде што гори ниска вегетација, нискостеблеста шума и грмушки, како и во кумановската населба Средорек, каде што гори ѓубре.

Пожарот во градската депонија во Делчево е ставен под контрола.

Во текот на изминатото деноноќие биле изгаснати пожари и на повеќе локации во Арачиново, Петровец, Илинден, Битола, Новаци, Долнени, Босилово, Радовиш, Струга, Центар Жупа, Кичево, Велес, Градско, Неготино, Штип, Виница и Крива Паланка.

Share on Facebook

Tweet

Follow us

Save