И денеска многу топло време, од утре заладување

Сончево и многу топло време со мала до умерена облачност ја очекува денеска Македонија. Метеоалармот предупредува на високи температури на територијата на целата држава.

Ќе дува слаб до умерен ветер од северен правец, кој наместа повремено ќе се засилува.

Во Скопје ќе биде сончево и многу топло, со мала до умерена облачност. Во делови од котлината ќе дува повремено засилен северен ветер.

Пресврт во времето се очекува во четврток и петок попладне, кога локално ќе има нестабилност со пороен дожд, грмежи и засилен ветер. На места се можни и невреме со силен ветер, пообилен пороен дожд за кратко време и град.

Со продорот на нестабилноста температурите ќе се намалат за неколку степени.

Сепак, заладувањето ќе биде краткотрајно. Во текот на викендот и на почетокот на следната седмица времето повторно ќе се стабилизира, а дневните температури постепено ќе растат.

Share on Facebook

Tweet

Follow us

Save