(Видео) Огнената линија е долга 20 километри: пожарот во Мариово пак пламна

Поради силен ветер, пожарот во прилепскиот дел на Мариово кој синоќа зафати делови од селото Чаниште, повторно се активирал попладнево, информира директорот на Дирекцијата за заштита и спасување, Стојанче Ангелов.

Огнената линија во моментов се протега на околу 20 километри, од течението на Црна Река до врвот Маргаро.

„На терен се прилепските пожарникари, тимови на ДЗС составени од доброволци од Битола, а дополнително се ангажирани и доброволци од Кочани и од Виница. Главна задача во текот на ноќта, е заштитата на селото Крушевица, кое се наоѓа на неколку километри од местото на пожарот“, соопшти Ангелов.

Во гаснењето биле ангажирани и „ер трактори“ на ДЗС, кои успеале да прекинат дел од огнената линија и значително да го намалат делот што го загрозува блискиот манастир и селото, но работата ја отежнуваат високата сува трева и ветерот, кој постојано дува, вели тој.

Видеото погледнете го тука.

Share on Facebook

Tweet

Follow us

Save