Бугарија испрати вербална нота во Србија – бара информации за пожарот во близина на границата, па понуди помош за гаснењето

Бугарската амбасада во Белград им предаде вербална нота на српските власти со барање информации за пожарот во областа во близина на границата, што предизвика густ чад и на бугарска територија. Бугарското МНР исто така, понуди помош во гаснењето на пожарот.

Бугарското МНР објави дека бугарските дипломатски мисии во Белград и Ниш се во постојан контакт со надлежните српски институции.

Поради густиот чад што стигна до делови од Софискиот, Ќустендилскиот и Перничкиот регион, МНР на Бугарија презеде итни мерки за разјаснување на ситуацијата и за добивање на најнови информации од српските власти.

Порано во текот на денот, густ чад беше регистриран во седум општини во Софискиот и Перничкиот регион. Поради влошената состојба, системот BG-Alert беше активиран во Костинброд.

Share on Facebook

Tweet

Follow us

Save