Вечерва ќе се прска против комарци на критичните подрачја во Кисела Вода

Град Скопје, во соработка со Општина Кисела Вода, вечерва спроведува редовна акција за дезинсекција.

Како што извести градоначалничката на Кисела Вода, Бети Стаменкоска Трајкоска, третманот ќе ги опфати критичните подрачја, со цел навремена заштита на граѓаните и спречување на масовното размножување на комарците.

„Прскањето ќе се реализира во периодот од 22:00 часот, па сè до целосното опфаќање на критичните места на општината, при што со специјализирано возило ќе се дејствува против возрасните комарци.

Оваа интервенција се надоврзува на досегашните активности. Имено, Кисела Вода досега изврши 3 третмани против возрасни комарци и 1 акција за сузбивање на ларви, како и Град Скопје, кој досега изврши вкупно 14 дезинсекции.

Уште еднаш ги потсетуваме пчеларите навремено да ги преземат потребните мерки за заштита на своите пчелни семејства поради вечерашните активности.

Истовремено, за акцијата да се реализира безбедно и ефикасно, ги замолуваме граѓаните во наведениот временски период, доколку се во можност, да ги држат затворени прозорците и вратите од своите домови“, соопшти градоначалничката.

Share on Facebook

Tweet

Follow us

Save