INFOMAX.MK

Дел од дрон бил најден утрово на плажа во романското црноморско одморалиште „Олимп“, на околу 38 километри јужно од Констанца, пренесоа романските медиуми.

Според извори на телевизијата „Антена“, остатоците содржеле експлозивно полнење.

Делот бил најден меѓу лежалките на плажата, посочува телевизијата. Пристапот за туристите до зоната е ограничен. Неколку луѓе поднеле пријава.

🇷🇴Tourists arrive at beach to find a drone fragment carrying explosives.

A fragment of a drone washed ashore at Olimp, Romania, and was discovered by tourists early Wednesday morning. Authorities immediately closed and isolated the beach before specialists confirmed the fragment…
— NewsForce (@Newsforce) August 26, 2026

Остатоци од дрон синоќа биле најдени и на бранобранот на крајбрежното шеталиште во Констанца, во близина на легендарното „Казино“ во црноморскиот град.

Шести ден по ред остатоци од дронови ги држат под тревога населението и властите во Романија, потсетува „Антена“. Изминатите денови романските власти во неколку наврати испраќаа борбени авиони и хеликоптери за да ги следат нападите со дронови во близина на границата со Украина.