Франција со сериозно предупредување до Европа: „Ова е почеток на војна“

Генералната директорка на француската Генерална управа за внатрешна безбедност (DGSI), Селин Бертон, предупреди дека и нејзината земја може да очекува сè повеќе инциденти како оној со дронот во германскиот Лајпциг. Таа додаде дека симболичките хибридни напади веќе се одвиваат на територијата на нејзината земја.

Откако дрон со експлозив неодамна беше пронајден до украински товарен авион на аеродромот во германскиот Лајпциг, реагираа и француските разузнавачки служби.

„Откривањето на експлозивниот дрон во Лајпциг е предупредување дека мораме да ја земеме предвид можноста за директни и понасилни непријателски дејствија на нашата национална територија“, рече Селин Бертон, генерална директорка на француската Генерална управа за внатрешна безбедност (DGSI), пишува Политико.

Таа додаде дека и Франција би можела да очекува повеќе такви напади, бидејќи хибридното војување и странското мешање се засилија низ цела Европа.

Иако ниту германскиот канцелар Фридрих Мерц, ниту француската шефица за безбедност Бертон изречно не ја споменаа Русија, јасно е дека „заострувањето на рускиот став е една од главните причини за загриженост“.

„Од 2022 година сме сведоци на драматичен и значителен пораст на чиновите на мешање на нашата национална територија“, рече претходно Бертон, осврнувајќи се на симболичките напади, како што се испишувањето на Давидовите ѕвезди на зградите во Париз и кампањите за дезинформации што ги спроведуваат мрежи поврзани со Русија.

„Сето тоа е дел од почетокот на војната која не е физичка војна, не е воена војна и не е нужно јавно признаена како војна насочена против нашата територија, но веќе вклучува напади врз нашата земја“, заклучи Бертон.

Share on Facebook

Tweet

Follow us

Save