Три пријави за физички напади и една за закана со оружје во Тетовско и Гостиварско, полицијата ги расчистува случаите

СВР Тетово извести за 4 случаи на визички напади во последното деноноќие во Тетово, Гостивар и околината.

На 28.08.2026 во 10:20 часот во ОВР Гостивар, Н.Ј.(60) од с.Добридол, Гостиварско, пријавил дека во с. Добридол бил физички нападнат од М.Н. од с.Добридол. Истиот ден во 23:00 часот во СВР Тетово, Ѓ.Р.(55) од Тетово, пријавил дека околу 20:45 часот, Д.Ј.(35) од Тетово физички го нападнал неговиот малолетен син. По полноќ, пак, на 29.08.2026 во 00:40 часот во СВР Тетово е пријавено дека во Тетово, Ѓ.Р. (55) од Тетово физички го нападнал Д.Ј. (35) од Тетово.

На 29.08.2026 околу 02:00 часот во СВР Тетово, М.Д.(29) од с.Желино, Тетовско, пријавил дека во селото, додека бил со неговите другари А.Б., И.Р., Р.Х., и Р.Џ., сите од с.Желино, Р.Ш. од с.Желино, со кого претходно имал недоразбирања, дошол до нив држејќи нож во рака, а потоа извадил и репетирал пиштол и го вперил кон пријавителот.

Полицијата презема мерки за расчистување на овие случаи.

Share on Facebook

Tweet

Follow us

Save