INFOMAX.MK

Американскиот претседател Доналд Трамп планираната огромна триумфална капија во Вашингтон сака да ја претвори и во база за воени дронови и снајперисти на американската армија.

Трамп во неделата на својата платформа „Трут Соушал“ изјави дека се согласил „величествената триумфална капија да се претвори во воен комплекс од светска класа и триумфална капија“.

Објектот треба да има простор за „голем број дронови, како и снајперисти на покривот и на просторот пред капијата“, кои би можеле брзо да бидат распоредени, наведе Трамп.

Дополнително, во објектот треба да се складираат и големи количества муниција за снајперистите, додаде американскиот претседател.

Трамп нагласи дека објектот треба да биде единствен во светот.

„Од 59-те најважни градови и престолнини, Вашингтон е единствениот во светот што нема триумфална капија – но тоа сега ќе се промени“, напиша Трамп.

Според него, американската престолнина наскоро ќе има „далеку најголема“ триумфална капија „од сите“.