Михаилова во Кочани во судница со бугарски пратеници

На вчерашното рочиште искази даваа вештаци во врска со несреќата, а судницата повторно беше преполна со бугарски политичари и роднини на Михаилова.

Михаилова тврди дека е дискриминирана од македонските власти поради нејзиното двојно, македонско и бугарско, државјанство и дека не ѝ дозволуваат да се лекува надвор од Македонија.

Несреќата се случи во октомври минатата година, при што едно лице го загуби животот, а неколку лица беа повредени, меѓу кои и Михаилова. Таа ја отфрла вината за несреќата и тврди дека таа не настанала по нејзина вина.

Михаилова доби поддршка и од бугарски пратеници, откако ѝ беше одбиено барањето да ѝ бидат вратени личните документи, кои ѝ се одземени како мерка на претпазливост, за да може да се лекува надвор од Македонија.

Нејзиното барање беше одбиено од Основниот суд во Кочани на почетокот на август, а одлуката подоцна ја потврди и второстепениот суд – Апелацискиот суд во Штип.

Share on Facebook

Tweet

Follow us

Save