Кривична пријава за поранешен директор на „Национални шуми“ во Свети Николе за штета од 3,4 милиони денари

Надворешната канцеларија за криминалистички работи Свети Николе поднесе кривична пријава против Б.И. (62) од Свети Николе, поради сомнение дека сторил кривично дело „злоупотреба на службена положба и овластување“.

Според полицијата, во периодот од јули до ноември 2023 година, додека бил директор на Шумско стопанската единица „Ѓуриште“ – Свети Николе, пријавениот не постапил согласно законските одредби за обезбедување транспарентен и конкурентен избор на правно лице.

Без спроведување соодветна постапка, тој склучил три договори за купопродажба на дрвни сортименти на пенушка со правно лице од селото Бузалково, велешко.

На тој начин, според пријавата, на правното лице му било овозможено да се стекне со противправна имотна корист во износ од 3.422.592 денари.

Share on Facebook

Tweet

Follow us

Save