Google казнет со четири милијарди евра

Судот на правдата на ЕУ ја отфрли жалбата на Google и ја потврди казната од 4,1 милијарди евра што ја изрече Европската комисија за злоупотреба на доминантната позиција преку оперативниот систем Android.

Одлуката на највисокиот суд на ЕУ става крај на повеќегодишниот правен спор што започна откако Европската комисија во 2018 година утврди дека Google им наметнал претходно инсталирани апликации на Google Search, Chrome и Google Play Store на производителите на паметни телефони како услов за користење на оперативниот систем Android, со што се ограничи конкуренцијата на пазарот за интернет пребарување и мобилни апликации.

Првичната казна од 4,34 милијарди евра беше намалена на 4,1 милијарди евра во 2022 година, а последната пресуда конечно ја потврди.

Google: „Разочарани сме“

Google изјави дека е разочаран од пресудата, оценувајќи дека судот не ги зел доволно предвид напорите на компанијата да го одржи Android отворен и бесплатен оперативен систем.

Компанијата истакнува дека деловните практики се промениле од одлуката на Европската комисија во 2018 година. Пресудата претставува уште една победа за европските регулатори во нивниот обид да ја ограничат злоупотребата на пазарната моќ од страна на големите технолошки компании.

Google е казнет со речиси 11 милијарди евра во разни антимонополски случаи во Европската Унија во текот на изминатата деценија, а компанијата продолжува да се соочува со дополнителни регулаторни истраги во Европа.

Share on Facebook

Tweet

Follow us

Save