Jужната граница речиси нефункционална: Поради пожар на грчка страна возилата се пренасочуваат кон Дојран – затворен и патот од Богданци кон Дојран

Патот од Солун кон Евзони е отворен, а во спротивен правец е се уште затворен за сообраќај поради пожар, соопшти грчката полиција.

Пожарот, според локалните грчки медиуми е локализиран. Претпладнето се запалило возило на автопатот, и пожарот се проширил на сува трева, па затоа полицијата го затвори сообраќајот и во двата правца пред околу три часа.

Тоа предизвика застој на граничниот премин Евзони-Богородица, а грчката полиција ги пренасочуваше возилата кон преминот Дојран каде што се формира долга колона возила.

Според инфо камерите на ЈП за државни патишта, влезот во Грција преку ГП Богородица попладнево се одвива тековно во три или четири колони.

Проблемот е што поради голем пожар во гевгелиско затворен е и патот Богданци кон Дојран.

Во моментов единствен патен правец по кој може да се стигне до граничниот премин кај Дојран е Удово – Валандово кон Дојран.

Share on Facebook

Tweet

Follow us

Save