Америка ја изврши првата продажба на венецуелска нафта, вредна 500 милиони долари

САД ја завршија својата прва продажба на венецуелска нафта, во вредност од 500 милиони долари (429 милиони евра), изјави денес функционер во администрацијата на американскиот претседател Доналд Трамп. Деталите за продажбата сè уште не се откриени, иако функционерот рече дека се очекуваат повеќе продажби во наредните денови и недели, објави CBS News.

Белата куќа изнесе стратегија за продажба на милиони барели санкционирана венецуелска нафта и контрола на приходите, потпирајќи се на инвестиции од американски нафтени компании за оживување на нафтената инфраструктура на земјата. Приходите од продажбата на нафта ќе бидат поделени меѓу Венецуелците, американските компании и американската влада, по дискреционо право на федералната влада, соопшти претходно Белата куќа.

Трамп објави дека САД ќе продадат од 30 до 50 милиони барели венецуелска нафта, во партнерство со американските компании. Тој се сретна со врвни раководители на американските нафтени компании во Белата куќа минатата недела, разговарајќи за нивните потреби и загрижености, како и за можните инвестиции во Венецуела.

Share on Facebook

Tweet

Follow us

Save