Трамп: Имаме многу добри односи со Данска, но Гренланд е стратешки важен за САД

Претседателот на Соединетите Американски Држави, Доналд Трамп, денес изјави дека САД имаат „многу добри односи со Данска“, но додаде и дека Гренланд е стратешки важен за Америка.

„Ни треба Гренланд. Не можам да се потпрам на Данска“, рече Трамп.

Претседателот на САД изрази верување дека ситуацијата „некако ќе се реши“, пренесува Ројтерс.

„Ако ние не сме таму, тогаш Русија и Кина ќе бидат таму. Данска нема да може ништо да направи во врска со тоа, додека ние можеме да направиме сè“, тврдеше американскиот лидер.

Трамп заклучи дека, според него, тоа е прашање на национална безбедност, „не само за Соединетите Американски Држави, туку и за Европа“, додавајќи дека веќе разговарал за темата со генералниот секретар на НАТО, Марк Руте.

Share on Facebook

Tweet

Follow us

Save