Велика Британија воведе нови санкции за руските енергетски компании – на листата и „Роснефт“ и „Сибур холдинг“

Велика Британија воведе нови санкции против руски енергетски компании, меѓу кои и проектот „Восток оил“ на компанијата „Роснефт“, „Славнефт“, „Сибур холдинг“, како и руски компании од секторот за јаглен, соопшти британската влада.

Според објавениот документ, на британската санкциска листа е ставена и „Сибур холдинг“, една од најголемите руски петрохемиски компании.

Британскиот премиер Енди Бернам изјави дека, и покрај напредокот во преговорите за решавање на конфликтот во Украина, неопходно е дополнително да се засили притисокот врз Русија за да се постигне примирје.

„Мораме да продолжиме да го зголемуваме притисокот врз Русија за да прифати целосен и итен прекин на огнот“, се наведува во изјавата на Бернам, објавена на веб-страницата на британската влада.

Тој истовремено оцени дека мировните преговори за Украина бележат напредок, но нагласи дека Лондон смета оти дополнителниот притисок врз Москва е неопходен за постигнување прекин на огнот.

Share on Facebook

Tweet

Follow us

Save