Водата во две велешки села небезбедна за пиење, забраната важи до ново известување
Жителите на велешките села Иванковци и Кумарино не смеат да ја користат водата од селските водоводи за пиење, информира Општина Велес.
Забраната е воведена врз основа на решенија на Агенцијата за храна и ветеринарство, издадени на 20 август 2026 година, откако при контролата била утврдена неправилност во водата од локалните водоводни системи.
Согласно издадените решенија, водата во двете населени места не треба да се користи за пиење сè додека надлежните институции не потврдат дека таа повторно е безбедна и официјално не ја укинат забраната.
За дополнително информирање на населението, на повеќе локации во Иванковци и Кумарино се поставени известувања со предупредување „ВОДАТА НЕ Е ЗА ПИЕЊЕ“.
Од Општина Велес апелираат жителите сериозно да го почитуваат предупредувањето и да не ја користат водата за пиење додека трае забраната.
Надлежните најавуваат дека јавноста навремено ќе биде известена за сите нови информации, а веднаш штом биде добиена официјална потврда дека водата е безбедна, граѓаните ќе бидат информирани за укинувањето на забраната.
До тогаш, жителите на Иванковци и Кумарино се повикуваат да постапуваат согласно препораките и насоките на надлежните институции.
ПОВРЗАНИ ВЕСТИ
Водата во две велешки села небезбедна за…
Жителите на велешките села Иванковци и Кумарино…
Македонија пред нов топлотен удар: Утре температурите…
Македонија во сабота повторно ќе се соочи…
По епидемијата, ИЈЗ бара гостиварски „Комуналец“ да…
Една од препораките до гостиварски „Комуналец“ е…
(Фото) „Ти си ми сѐ, не сакам…
Обелоденети се писма што блиската соработничка на…
Силно невреме опустоши делови од Австрија и…
Силно невреме проследено со поројни дождови и…