INFOMAX.MK

Денес објавуваме еден од договорите што јасно покажува како се управуваат стратешките енергетски проекти на штета на јавниот интерес и државниот буџет, соопштија од политичката партија ДУИ.

Во продолжение нивното соопштение.

Еве го целиот договор, една од спогодбите потпишани од раководителот Бурим Латифи со компанијата „Елнос“ од Република Српска, за изградба на далноводот помеѓу Северна Македонија и Албанија.

Овој договор отвора сериозни загрижености по неколку клучни причини:

Компанијата добитник е блиска до политички структури во Република Српска, вклучително и кругот на Милорад Додик, што отвора големи дилеми за политички влијанија во стратешките енергетски проекти.
Процесот на избор и преговарање останува нејасен и затворен за јавноста.
Договорите му нанесуваат на државниот буџет штета од најмалку 6 милиони евра.

Наместо овој проект да биде мост за енергетска соработка со Албанија и инвестиција во евроатлантската иднина на земјата, тој се претвори во симбол на лошо управување, недостаток на транспарентност и сомнежи за несоодветни врски меѓу бизнисот и политиката.

Бараме:

Итна и независна истрага за овој договор и за сите постапки што го придружувале.
Целосно објавување на сите документи поврзани со проектот.
Политичка и правна одговорност за сите кои учествувале во донесувањето на овие одлуки на штета на јавниот интерес.

Граѓаните заслужуваат транспарентност, отчетност и заштита на јавните средства. Секое евро изгубено поради лошо управување е едно евро помалку за развојот на земјата. – велат од ДУИ.