Листа на земји кои побараа Инфантино да ја напушти ФИФА, а кои го подржаа

Конечно е појасно кој стои зад претседателот на Меѓународната фудбалска федерација, ФИФА, Џани Инфантино, а кој му го врти грбот. Објавена е листа на земји кои досега јавно застанаа на едната или другата страна.

Инфантино е под зголемен притисок по пропаѓањето на контроверзниот проект „ФИФА Форвард Ентерпрајз“, но претседателот на ФИФА добива и силна поддршка од делови од светскиот фудбал.

Еден од неговите најважни сојузници е Африка. Извршниот комитет на Конфедерацијата на африкански фудбал (КАФ) едногласно го поддржа Инфантино, со што јасно стави до знаење на чија страна е африканскиот блок, кој има 54 национални асоцијации во ФИФА.

Инфантино доби поддршка и од Аргентина. Аргентинската фудбалска асоцијација (АФА) ја пофали неговата работа за време на неговите 10 години на чело на ФИФА, истакнувајќи ја особено институционалната стабилност на организацијата и развојот на фудбалот низ целиот свет. Аргентинците, исто така, ја поздравија неговата одлука да се откаже од проектот „ФИФА Форвард Ентерпрајз“.

Според досега објавените информации, Мексико и Парагвај, исто така, се здружија со Инфантино, како и голем број африкански и азиски федерации.

Во исто време, од Европа доаѓаат сосема различни пораки. Меѓу земјите кои јавно се изјаснија против Инфантино се Хрватска, Србија, Германија, Англија, Норвешка, Велс, Шведска, Грција, Албанија, Холандија, Финска, Данска и Романија.

Кој е моментално со Инфантино?

Според досега објавените информации, следниве земји го подржуваат Инфантино за негово останување:

Катар, Обединети Арапски Емирати, Мароко, Египет, Шри Ланка, ДР Конго, Џибути, Либан, Индонезија, Филипини, Кувајт, Гамбија, Мексико, Аргентина, Парагвај, Бутан и Бангладеш.

Кој е моментално против?

На другата страна се:

Германија, Норвешка, Велс, Србија, Шведска, Грција, Албанија, Англија, Јордан, Холандија, Финска, Хрватска, Данска и Романија.

Пред Светското првенство, Инфантино имаше речиси неоспорна позиција и се очекуваше да остане на чело на ФИФА. Сепак, по неодамнешните настани, ситуацијата значително се промени.

Изборите за претседател на ФИФА се закажани за март следната година, а како што се приближува изборниот процес, прашањето колку федерации ќе застанат зад сегашниот претседател станува сè поважно.

Share on Facebook

Tweet

Follow us

Save