(Фото) Армиските „Волци“ со успешна обука во Грција

Припадници на Баталјонот на специјални сили – „Волци“ во изминатиот период успешно завршија основен падобрански курс во Република Грција.

Од АРМ информираат дека обуката има за цел унапредување на вештините и способностите на припадниците, како и зголемување на нивната интероперабилност и подготвеност за извршување на задачи во рамки на заеднички и мултинационални операции.

-Во текот на обуката, припадниците на Баталјонот на специјални сили – „Волци“ ги унапредуваат своите знаења и практични вештини во областа на падобранството, со примена на стандардизирани процедури и постапки. Обуката се реализираше во два дела, теоретска и практична обука на земја, како и реализирање на скокови од воздухополов. Учеството на припадниците на Баталјонот на специјални сили – „Волци“ на оваа обука претставува придонес кон континуираното унапредување на нивото на обученост и подготвеност на специјалните сили на Армијата, како и унапредување на соработката со Вооружените сили на Република Грција, соопшти АРМ.

Share on Facebook

Tweet

Follow us

Save