Албанија ќе се вооружува за да ја брани Украина од Русија

t

Поради руско-украинската криза, албанскиот претседател Илир Мета, кој е и врховен командант на вооружените сили, остварил итна средба со министерот за одбрана Нико Пелеши и началникот на Генералштабот на вооружените сили, генерал-мајор Бајрам Бегај, на која побарал преземање „неопходни мерки за зајакнување на одбранбените капацитети на земјата“.

Како што пренесуваат од неговиот кабинет, на средбата била изразена заедничката загриженост со „сите партнери во НАТО за заканата од можна руска агресија врз Украина, што би било флагрантно кршење на меѓународното право“.

„Претседателот Мета ја подвлече важноста од ефикасна координација со Алијансата, како и преземање мерки за продолжување на реформите со цел дополнително зајакнување на нашите одбранбени способности. Во овој контекст, беше оценето исполнувањето и зајакнувањето на целиот команден синџир во вооружените сили, согласно системот на чинови и функција“, се наведува во соопштението.

Претходно, Мета изјави дека Албанија ја споделува загриженоста со сите партнери во НАТО за „ заканата од руска агресија врз пријателска, независна и суверена Украина“.

Деновиве на средбата со укранскиот амбасадор во Тирана, Мета изјави дека Албанија и како земја членка на НАТО и како непостојана членка на Советот за безбедност на Обединетите нации е на страната на Украина, во одбрана на нејзиниот суверенитет и територијален интегритет.

ПОВРЗАНИ ВЕСТИ

Трамп му вети на Зеленски дека ќе…

Поранешниот американски претседател Доналд Трамп синоќа во…

Мицкоски се сретна со Зеленски во Лондон:…

Премиерот Мицкоски во Лондон се сретна со…

Стерјовски: Македонците и седум други малцинства не…

Македонците во Албанија, заедно со претставници на…

(Фото) Ова е хеликоптерот што Србија ни…

Припадниците на хеликоптерската единица и Министерството за…

Венс: Ако победи Трамп ќе преговара со…

Доколку Доналд Трамп победи на изборите, ќе…